भुटान विरुद्ध नेपाली टिमले बनायाे विश्व रेकर्ड

 

एसिसी महिला प्रिमियर कपअन्तर्गत नेपाल र भुटानबीचको खेलमा क्रिकेट इतिहासकै दुर्लभ दृश्य देखिएको छ। भुटानकी ब्याटर रिट्सी छोडेन पहिलो विकेट गु'मेपछि निर्धारित ९० सेकेन्डभित्र क्रिजमा आइपुग्न नसकेपछि नेपालले ‘टाइम आउट’ को अपिल गरेको थियो। 

त्यसपछि अम्पायरले उनलाई आउट घोषणा दिए। आइसिसीको नियमअनुसार विकेट गुमेको ९० सेकेण्डभित्र नयाँ ब्याटर बल सामना गर्न तयार हुनुपर्छ। सोही नियमका आधारमा आउट भएकी रिट्सी अन्तर्राष्ट्रिय क्रिकेटमा ‘टाइम आउट’ हुने तेस्रो तथा महिला टी–२० अन्तर्राष्ट्रियमा पहिलो खेलाडी बनेकी छन्।

यद्यपि यो निर्णय नियमअनुसार भए पनि ‘टाइम आउट’ को अपिललाई क्रिकेटमा खेल भावना (Spirit of Cricket) विप'रीत मान्ने धारणा रहँदै आएको छ। सामाजिक सञ्जालमा अहिले धेरै नेपाली समर्थकले नै नेपाली टिमको यो निर्णयको आलोचना गरिरहेका छन ।

नेपाल र मलेसिया बीचकाे खेल आज

एसियन गेम्स पुरुष क्रिकेट छनोट प्रतियोगितामा नेपालले आज मलेसियासँग प्रतिस्पर्धा गर्दैछ। खेल दिउँसो १२:१५ बजे सुरु हुनेछ। दुवै टोलीले पहिलो खेलमा चीनलाई सहज रूपमा हराउँदै विजयी सुरुआत गरेका थिए।  

हेड-टु-हेड तथ्याङ्क हेर्दा नेपाल स्पष्ट रूपमा बलियो देखिन्छ। हालसम्म भएका १० टी–२० अन्तर्राष्ट्रिय भेटमध्ये नेपालले ९ खेल जितेको छ भने मलेसियाले केवल १ खेल आफ्नो पक्षमा पारेको छ। पछिल्ला भेटहरूमा पनि नेपालले लगातार उत्कृष्ट प्रदर्शन गर्दै आएको छ।  

आजको खेल जित्ने टोली समूह ‘ए’ को विजेता बन्नेछ। यद्यपि नेपाल र मलेसिया दुवैले सेमिफाइनल पुग्दै २०२६ एसियन गेम्समा स्थान सुरक्षित गरिसकेका छन्, त्यसैले यो खेल समूहको शीर्ष स्थानका लागि विशेष महत्त्वपूर्ण हुनेछ।  

यसियाली खेलकुद २०२६ छनोटको समूह चरणमा नेपालले इन्डोनेसिया र थाइल्याण्डसँग खेल्ने

यसियाली खेलकुद २०२६ छनोटको समूह चरणमा नेपालले इन्डोनेसिया र थाइल्याण्डसँग खेल्ने भएकाे छ। नेपाल, इन्डोनेसिया र थाइल्याण्डसँगै समूह ए मा छ ।

नेपालले समूह चरण अन्तरगत पहिलाे खेल इन्डोनेसिया  विरुद्ध (मे ३१) मा र दोस्रो खेल  थाइल्याण्ड विरुद्ध (जुन ०४) मा खेल्नेछ । यी सबै खेलहरूले T20I स्थिति पाउनेछन्!

शीर्ष २ टोलीहरू क्वाटरफाइनलमा पुग्नेछन् । क्वाटरफाइनलको विजेता ४ टिम एसियाली खेलकुद २०२६ को लागि छनोट हुनेछ । 

समूह A

Nepal

Thailand

Indonesia

समूह B

Oman

Maldives

Singapore

समूह C

Hong Kong

Bahrain

South Korea

समूह D

Malaysia

Qatar

China

Uzbekistan 

क्रिकेटर मोहम्मद आलम बिहारमा टेनिस क्रिकेट खेल्दा आलोचना किन ?

नेपाली क्रिकेटर मोहम्मद आदिल आलम हालै भारतको बिहारमा टेनिस-बल क्रिकेट खेल्दै गरेको देखियो भने उनी विगतका बर्षहरु देखी नै खेल्दै आएका  छन । नेपालमा घरेलु क्रिकेट खेलेरै मात्र सबै क्रिकेटरले आय आर्जन गर्न सक्ने स्तरको सम्भावना भने अझै पूर्ण रुपमा विकसित भैसकेको भने छैन  तर बिगत केहि बर्ष देखी भने क्यान लागि परिरहरेको छ नतिजामा पनि हामी देखिरहेका छाै । घर परिवार चलाउनका लागी जानेकाे क्रिकेट भएकोले पनि क्रिकेट खेल्नु स्वभाविक हुन सक्छ । 

तर के सक्रिय नेपाली राष्ट्रिय खेलाडीहरूलाई उचित स्वीकृति बिना अनौपचारिक, तल्लो-स्तरीय प्रतियोगिताहरूमा भाग लिन अनुमति दिनुपर्छ ?  नेपाल क्रिकेट संघ-CAN ले कुनै पनि बाहिरी लिग वा प्रतियोगितामा भाग लिनु अघि सबै सक्रिय खेलाडीहरूको लागि NOC अनिवार्य गर्नुपर्छ। यदि कुनै खेलाडीले स्वीकृति बिना भाग लिन्छ भने, तुरुन्तै कडा कारबाही गर्नुपर्छ।

सक्रिय राष्ट्रिय खेलाडीहरूलाई निम्न-स्तरीय लिगहरूमा खेल्न अनुमति दिनु हुँदैन। यो खेलाडीहरूलाई पैसा कमाउनबाट रोक्ने बारेमा भन्दा पनी  व्यावसायिकता, चोटपटक सुरक्षा, अनुशासन, नेपाल क्रिकेटको स्तर र छवि कायम राख्ननको लागी पनी राष्ट्रिय टिम बाट खेलिसकेका सक्रिय खेलाडीको हकमा भने उपयुक्त नहुन सक्छ ।

विश्वभरका शीर्ष क्रिकेट बोर्डहरूले आफ्ना सक्रिय राष्ट्रिय खेलाडीहरूलाई उनीहरूको अन्तर्राष्ट्रिय प्रतिष्ठा जोगाउन निम्न-स्तरीय स्थानीय प्रतियोगिताहरूमा भाग लिनबाट नजिकबाट निगरानी गर्छन् र पूर्ण रूपमा प्रतिबन्ध लगाउँछन ।  नेपाल क्रिकेट द्रुत गतिमा बढिरहेको छ, र खेलकुदको भविष्यको रक्षा गर्न बलियो नीतिहरू आवश्यक छ। साथ साथै खेलाडिहरुले पनी खेलेरै जिवन यापन गर्न तर्फ ध्यान दिन आवश्यक देखिन्छ ।

ओमान र नेपाल नेपालकाे खेल आज

आज ओमान र नेपाल  बिहान ९:३० बाट सुरू हुने Wcl-2 अन्तरगत खेल खेल्दै छन । नेपाल २१ खेलमा १४ अंक सहित  तालिका काे पुछार बाट दाेस्राे स्थानमा रहदाँ ओमान भने  २५ खेलमा २९ अंक सहित तेस्रो स्थानमा छ ।  हेड टु हेड नतिजा हेर्दा नेपाल केही पछाडि छ देखिन्छ। हालसम्म यी दुई टिमबीच आठवटा ओडिआईमा भेट भएको छ, जसमा ओमानले पाँच र नेपालले तीन खेलमा मात्र जित निकालेको छ। 

नेपाल र ओमानबीच अन्तिमपटक २४ सेप्टेम्बर २०२४ मा भेट भएको थियो, त्यो म्याच वर्षाका कारण रद्द भयो । यसपालि पनि यी दुई टिमबीचको खेलमा वर्षा बाधक बन्ने सम्भावना छ। मौसम पूर्वानुमान महाशाखाका अनुसार केही दिन काठमाडौंमा वर्षाको सम्भावना छ। 

महिला टी–२० च्यालेन्ज ट्रफीमा नेपालद्वारा आयोजक रुवाण्डा पराजित

महिला टी–२० च्यालेन्ज ट्रफीमा नेपालले आज भएकाे खेलमा रुवाण्डालाई ३८ रनले पराजित गरेकाे छ । नेपालले दिएकाे १०४ रनकाे लक्ष्य पछ्याएकाे रूवान्डा ६५ रनमा समेटिदा नेपालले ३८ रनकाे जित हासिल गरेकाे छ ।

प्रतियोगितामा रुवान्डा, नेपाल, अमेरिका, इटाली र भानुआतु सहभागी छन् । सबै टोलीले एक अर्कासँग दुई/दुई खेल खेल्नेछन् । अङ्क तालिकाको शीर्ष स्थानमा रहने टोली विजेता बन्नेछ । 

सुदूरपश्चिम विरुद्ध टस जितेर बलिङ गर्दै लुम्बिनी

 नेपाल प्रिमियर लिग (एनपीएल) मा आजको पहिलो खेल लुम्बिनी लायन्स र सुदूरपश्चिम रोयल्सबीच हुँदैछ । जसमा लुम्बिनीले टस जितेर पहिले बलिङ रोजेको छ । यसअघि लगातार दुई खेल हारेको लुम्बिनी पहिलो जितको खोजीमा छ ।

यसअघि दुवै खेल जितेको सुदूरपश्चिम त्यो लय कायम राख्दै लगातार तेस्रो जित हात पार्ने लक्ष्यमा छ ।

दुवै टोलीमा एक-एक जना खेलाडी परिवर्तन गरिएका छन् । लुम्बिनीले आशुतोष घिरैयाको स्थानमा अर्जुन कुमाललाई खेलाएको छ भने सुदूरपश्चिममा रोहन मुस्तफा बाहिरिँदा वसन्त खत्री भित्रिएका छन् ।